बीड शहरातील जुना मोंढा भागात भरदिवसा एका व्यापाऱ्याच्या पिकअप वाहनातून २ लाख १८ हजार रुपयांची रोकड लंपास करण्यात आली आहे. किराणा दुकानाचे सामान भरण्यासाठी नदीम इसाक बागवान हे कॅश बॅग घेऊन पिकअप वाहनाने (एमएच ४४ यु ४६४९) आले होते. दुकानातून माल खरेदी करत असताना अज्ञात चोरट्याने वाहनाच्या क्लीनर बाजूच्या खिडकीतून हात घालून सीटवर ठेवलेली कॅश बॅग चोरून नेली. या प्रकरणी नदीम बागवान यांच्या तक्रारीवरून पेठ बीड पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.