दागिने उजळून देण्याच्या बहाण्याने डॉक्टर महिलेला फसवले; सव्वा दोन लाखांचे दागिने लंपास

दागिने उजळून देण्याच्या बहाण्याने डॉक्टर महिलेला फसवले; सव्वा दोन लाखांचे दागिने लंपास

बीड : शहरातील आसेफ नगर परिसरात दागिने उजळून देतो असा विश्वास बसवून दोन अज्ञात इसमांनी एका डॉक्टर महिलेला फसवले. या घटनेत तब्बल 2 लाख 25 हजार रुपयांचे सोन्याचे दागिने घेऊन चोरट्यांनी पोबारा केला. या प्रकरणी बीड शहर पोलिस ठाण्यात गुन्हा दाखल करण्यात आला आहे.

फिर्यादी डॉ. कहेकशा जहीरोद्दीन शेख (रा. आसेफ नगर, बीड) यांनी दिलेल्या तक्रारीनुसार, 25 ऑगस्ट रोजी दुपारी 12 वाजण्याच्या सुमारास दोन अज्ञात इसम त्यांच्या घरी आले. “तुमचे सोने-चांदीचे दागिने उजळून देतो” असा बहाणा करून त्यांनी फिर्यादींचा विश्वास संपादन केला. त्यानंतर संगनमताने घरातील दागिने घेऊन ते पसार झाले. चोरांनी दोन सोन्याच्या बांगड्या, तीन सोन्याच्या अंगठ्या अशा एकूण सव्वा दोन लाखांच्या आईवजावर डल्ला मारला.

या प्रकरणी बीड शहर पोलिस ठाण्यात गुन्हा नोंदविण्यात आला आहे. पुढील तपास पीएसआय नेवरे करीत आहेत.

Related Posts :

बीडच्या विद्यार्थ्याची पुण्यात आत्महत्या; पुण्यातील ॲकॅडमीच्या संस्थापकासह तिघांवर गुन्हा दाखल

बीडमध्ये पोलीस कर्मचाऱ्याची गळफास घेऊन आत्महत्या

भाटसांगवीत जेवणाच्या कार्यक्रमात राडा; जातीवाचक शिवीगाळ करत कुकरी अन् काठ्यांनी प्राणघातक हल्ला

मीना बाजारात मुलींची छेड काढणाऱ्यांवर दामिनी पथकाचा दणका; १९ टवाळखोरांवर कारवाई

बलात्काराची पाठराखण करण्यासाठी महिला आयोग? – माकपचा सवाल

बीडमध्ये अल्पवयीन विवाहितेवर अत्याचार करून चावडीला बांधले; आरोपीला १७ मार्चपर्यंत पोलीस कोठडी