दारू पिण्यासाठी पैसे न दिल्याल्याने पतीने पत्नीला विटेने मारून केले जखमी
Updated: मे 20, 2026
शेतजमिनीच्या पाण्याच्या वादातून गुळज येथे वृद्धाला दगड व काठीने मारहाण; दोन जणांवर गुन्हा दाखल
‘विवेक सिंधु' WhatsApp Channel जॉईन करा
Join Channelदिंद्रुड: दारू पिण्यासाठी पैसे दिले नाहीत या किरकोळ कारणावरून पतीने आपल्याच पत्नीला विटेने डोक्यात आणि हातावर मारून गंभीर जखमी केल्याची धक्कादायक घटना धारूर तालुक्यातील देवदहीफळ येथे घडली आहे. याप्रकरणी दिंद्रुड पोलीस ठाण्यात पतीविरोधात कौटुंबिक हिंसेचा आणि मारहाणीचा गुन्हा दाखल करण्यात आला आहे.
मिळालेल्या माहितीनुसार, उषा संतोष बडे (वय २६, व्यवसाय- घरकाम व शेती, रा. देवदहीफळ) यांनी याप्रकरणी फिर्याद दिली आहे. उषा बडे आणि आरोपी संतोष अनंत बडे हे पती-पत्नी आहेत. घटनेच्या दिवशी आरोपी पती संतोष हा दारू पिऊन घरी आला आणि त्याने उषा यांच्याकडे आणखी दारू पिण्यासाठी पैशांची मागणी केली. उषा यांनी पैसे देण्यास नकार दिला असता, त्याचा राग मनात धरून संतोषने शिवीगाळ करण्यास सुरुवात केली.
हा वाद इतका वाढला की, आरोपीने घरात किंवा घरासमोर पडलेली वीट उचलून थेट उषा यांच्या डोक्यात मारली. तसेच त्यांना वाचवण्याचा प्रयत्न करत असताना त्यांच्या उजव्या हातावरही विटेने प्रहार करून गंभीर जखमी केले. एवढ्यावरच न थांबता आरोपीने पत्नीला अर्वाच्य भाषेत शिवीगाळ करत ‘जर पोलिसात गेलीस तर जिवे मारीन’ अशी धमकी दिली.
याप्रकरणी जखमी पत्नी उषा बडे यांच्या तक्रारीवरून दिंद्रुड पोलिसांनी आरोपी पती संतोष अनंत बडे (रा. देवदहीफळ, ता. धारूर) याच्याविरुद्ध भारतीय न्याय संहितेच्या (BNS) कलम ११८(१), ११५(२), ३५२ आणि ३५१(२) नुसार गुन्हा दाखल केला आहे. या प्रकरणाचा पुढील तपास पोलीस अंमलदार डोईफोडे करत आहेत.
Related Posts :
