नांदूरघाट येथे माय-लेकास मारहाण : मारहाणीत महिलेचा दात पडला 

मारहाणीत महिलेचा दात पडला

केज :- बांधाच्या कडेला ऊस लावल्या वरून मायलेकास लाथा बुक्याने व दगडाने मारहाण केल्याने या मारहाणीत तोंडावर दगड लागल्याने महिलेचा एक दात पडला आहे. 

नांदूरघाट ता. केज येथील बाळु उर्फ राम शिवदास जाधव वय (२५ वर्ष) व त्याची आई सुशीला जाधव हे दोघे शेतात १० मार्च रोजी सकाळी ११.३० वाजता शेतात ऊस लावत होते. बांधाच्या कडेला ऊस लागवड केल्याच्या कारणा वरून लक्ष्मण रामराव जाधव, पुष्पा लक्ष्मण जाधव, सतिश लक्ष्मण जाधव, संजय लक्ष्मण जाधव या चौघांनी शिवीगाळ करून बाळू जाधव यास लाथाबुक्याने मारहाण केली. यावेळी त्यांची आई सुशीला जाधव या भांडण सोडविण्यास आल्या असता त्यांना खाली पाडून पोटात व पाठीत बुक्या मारल्या. तर सतीश जाधव याने त्यांच्या तोंडावर दगड मारल्याने एक दात पडला असून दुसरा हलत आहे. अशी तक्रार बाळू जाधव यांनी दिल्या वरून लक्ष्मण जाधव, पुष्पा जाधव, सतीश जाधव, संजय जाधव या चौघा विरुद्ध केज पोलीस ठाण्यात गु र नं १२५/२०२६ भा न्या सं ११५(२), ११७(२), ३५१(२), ३५२, ३(५) नुसार गुन्हा दाखल झाला आहे. तपास जमादार राजू वंजारे हे करीत आहेत.

Related Posts :

केज तालुक्यातून दोन मुलींचे अपहरण

उभ्या मोटर सायकलीला दिली मोटार सायकलीने धडक : अपघातात एकाचा मृत्यू 

जुन्या भांडणा वरून एकाच्या पायावर तलवारीने केला वार : चुलत भावासह दोघांवर गुन्हा 

रिफ्लेक्टरविना धावणारे ट्रॅक्टर ठरताहेत ‘साक्षात काळ’; प्रशासनाच्या अक्षम्य दुर्लक्षामुळे आणखी किती बळी जाणार?

बीड जिल्ह्यात चोरट्यांचा हैदोस; दोन महिलांना लुटले, नेकनूर पोलिसांत गुन्हा दाखल

तीन मुली झाल्या म्हणून छळ; विवाहितेची विष प्राशन करून आत्महत्या