मुंबई : राज्यातील ग्रामीण रस्त्यांच्या विकासासाठी नव्या टप्प्यात मोठा निधी उपलब्ध करून देण्यात येणार आहे. या टप्प्यात मराठवाड्यातील जिल्ह्यांना प्राधान्य देण्यात आले असून, बीड जिल्ह्यातील सुमारे १२० किलोमीटर रस्त्यांच्या कामांचा समावेश करण्यात आला आहे.
गावे तालुका मुख्यालय आणि बाजारपेठांशी बारमाही रस्त्यांनी जोडणे हा या योजनेचा मुख्य उद्देश आहे. रस्त्यांच्या कामांमध्ये दर्जा राखण्यासाठी त्रयस्थ संस्थेकडून तपासणी केली जाणार असून, पाच वर्षे देखभालीची जबाबदारी कंत्राटदारांवर राहणार आहे.
शेतमाल वाहतुकीला फायदा
चांगल्या रस्त्यांमुळे शेतमाल बाजारपेठेत वेळेत पोहोचणे, विद्यार्थ्यांचा शाळा-महाविद्यालयांचा प्रवास आणि आरोग्य सेवांची उपलब्धता सुलभ होणार आहे. कामांची सुरुवात पावसाळ्यानंतर करण्यात येणार असून, दोन वर्षांत ती पूर्ण करण्याचे उद्दिष्ट आहे.
प्रतिक्रिया (१)
गावातील रस्त्यांचीही दखल घ्यावी ही विनंती.