गेवराईत बियर बारवर धाड; मध्यप्रदेशातील तीन बालकामगारांची सुटका, मालकासह मॅनेजरवर गुन्हा

मध्यप्रदेशातील तीन बालकामगारांची सुटका, मालकासह मॅनेजरवर गुन्हा

गेवराई: बीड जिल्ह्यातील गेवराई तालुक्यातील पाचेगाव रोडवरील बळीराजा बियर बारवर अनैतिक मानवी वाहतूक प्रतिबंधक कक्षाने (AHTC) मोठी कारवाई केली आहे. या कारवाईत मध्यप्रदेशातून कष्टाच्या कामासाठी आणलेल्या तीन बालकामगारांची सुटका करण्यात आली असून, बार मालकासह हॉटेल मॅनेजरवर विविध कलमान्वये गुन्हे दाखल करण्यात आले आहेत.

मिरा महादेव रेडेकर (नेमणूक- अनैतिक मानवी वाहतूक प्रतिबंधक कक्ष, बीड) यांनी या प्रकरणी सरकारतर्फे फिर्याद दिली आहे. २० एप्रिल २०२६ रोजी दुपारी सव्वादोनच्या सुमारास प्रतिबंधक कक्षाचे पथक गेवराई हद्दीत पेट्रोलिंग करत असताना त्यांना बळीराजा बियर बारमध्ये बालकामगार काम करत असल्याची गुप्त माहिती मिळाली. या माहितीच्या आधारे पथकाने बारमध्ये जाऊन पाहणी केली असता, तेथे तीन अल्पवयीन मुले वेटरचे काम करताना मिळून आली. सुटका करण्यात आलेल्या मुलांमध्ये संजय सूरज एके (वय १५ वर्षे), अमरू अमरसिंग उलके (वय १४ वर्षे) आणि अक्षय राजेश वरकडे (वय १४ वर्षे) यांचा समावेश असून हे तिघेही मध्यप्रदेशातील खांडवा जिल्ह्यातील रहिवासी आहेत. या मुलांनी चौकशीत सांगितले की, बार मालकाने त्यांना कामासाठी त्यांच्या गावातून येथे आणले होते.

या प्रकरणी बळीराजा बियर बारचे मालक बाळू विठ्ठल दाभाडे (रा. पाडळशिंगी) आणि हॉटेल मॅनेजर अशोक सुखदेव मोरे (रा. पाडळशिंगी) यांच्या विरोधात बालकामगार अधिनियम आणि भारतीय न्याय संहितेच्या कलम १४३(४), १४६ व ३(५) अन्वये गुन्हा दाखल करण्यात आला आहे. ही कारवाई मिरा रेडेकर, शोभा जाधव, येवले आणि जाधव यांच्या पथकाने केली असून पोलीस हवालदार लक्ष्मण जायभाये पुढील तपास करत आहेत.

Related Posts :

अंबाजोगाई तालुका माहेश्वरी सभेच्या अध्यक्षपदी पुरुषोत्तम रांदड, तर सचिवपदी ईश्वर लोहिया यांची बिनविरोध निवड

जमिनीच्या वादातून सख्या भावाकडून जीवघेणा हल्ला; लोखंडी रॉडने बेदम मारहाण करत दांपत्याला केले जखमी

ज्वारीच्या पिकातून ट्रॅक्टर नेल्याचा जाब विचारला अन् तरुणावर विळ्याचा घाव घातला

कोयत्याने वार करून तरुणाचे बोट तोडले; पाटोद्याच्या भुरेवाडीत जुन्या वादातून जीवघेणा हल्ला

मुलबाळ होत नाही आणि चारित्र्यावर संशय; विवाहितेची गळफास घेऊन आत्महत्या, पतीसह सासऱ्याविरुद्ध गुन्हा

भांडण सोडवण्यासाठी गेलेल्या महिलेला धक्काबुक्की; तिघांवर गुन्हा दाखल