बीडमध्ये भररस्त्यात महिलेचे सोन्याचे गंठण हिसकावले
Updated: जून 2, 2026
बीडमध्ये भररस्त्यात महिलेचे सोन्याचे गंठण हिसकावले
‘विवेक सिंधु' WhatsApp Channel जॉईन करा
Join Channelबीड: शहरातील सावता माळी चौक ते फुलाई नगर रस्त्यावर मोटारसायकलवरून आलेल्या दोन अज्ञात चोरट्यांनी एका महिलेच्या गळ्यातील सोन्याचे पट्टी गंठण जबरदस्तीने हिसकावून नेल्याची धक्कादायक घटना घडली आहे. या प्रकरणी बीड शहर पोलीस ठाण्यात दोन अज्ञात आरोपींविरुद्ध गुन्हा दाखल करण्यात आला आहे. ही घटना ९ एप्रिल २०२६ रोजी रात्री नऊ वाजेच्या सुमारास घडली असून, १ जून रोजी रात्री सव्वानऊ वाजता या गुन्ह्याची पोलिसांत अधिकृत नोंद करण्यात आली आहे.
फुलाई नगर भागातील रहिवासी सिमा विनोद नलवडे या ९ एप्रिल रोजी रात्रीच्या वेळी सावता माळी चौक रस्त्यावरून जात असताना, वीस ते पंचवीस वर्षे वयोगटातील दोन अज्ञात तरुण मोटारसायकलवरून त्यांच्याजवळ आले. काही समजण्याच्या आतच चोरट्यांनी सिमा नलवडे यांच्या गळ्यातील सोन्याचे अर्धे तुटलेले पट्टी गंठण जबरदस्तीने ओढले आणि घटनास्थळावरून पळ काढला. या अनपेक्षित हल्ल्यामुळे परिसरात काही काळ भीतीचे वातावरण निर्माण झाले होते. अखेर या प्रकरणी पीडित महिलेने बीड शहर पोलिसांत धाव घेऊन रीतसर फिर्याद दिली आहे. पोलिसांनी भारतीय न्याय संहितेच्या कलम ३०४ आणि ३ (५) अन्वये गुन्हा दाखल केला असून, पोलीस अंमलदार सोणवने या प्रकरणाचा पुढील तपास करत आहेत.
Related Posts :
