धारूर घाटात ट्रक दरीत कोसळला; चालक-क्लीनर गंभीर जखमी
Updated: नोव्हेंबर 13, 2025
धारूर घाटात ट्रक दरीत कोसळला, चालक-क्लीनर थोडक्यात बचावले
‘विवेक सिंधु' WhatsApp Channel जॉईन करा
Join Channelधारूर – धारूर तालुक्यातील घाट परिसरात बुधवारी सायंकाळी भीषण अपघाताची घटना घडली. अंबाजोगाई येथून संभाजीनगरकडे विटांची वाहतूक करणारा 12 टायर ट्रक (क्रमांक के 567292) धारूर घाटातून जात असताना धोकादायक वळणावर अपघातग्रस्त झाला. सायंकाळी साडेसात वाजण्याच्या सुमारास समोर उभ्या असलेल्या ट्रॅक्टरला चुकवताना चालकाचा ट्रकवरील ताबा सुटला आणि घाटातील कठडे तुटून ट्रक थेट सुमारे 300 फूट खोल दरीत कोसळला.
या अपघातात चालक अजय लक्ष्मण आणि क्लीनर स्टीवन यांचा थोडक्यात जीव वाचला आहे. ट्रक दरीत कोसळताच चालकाने प्रसंगावधान राखत उडी घेतली होती. दोघेही किरकोळ जखमी झाले असून स्थानिक नागरिकांनी तत्काळ घटनास्थळी धाव घेत मदतकार्य सुरू केले. अंधार असल्याने नागरिकांनी मोबाईलच्या प्रकाशाच्या मदतीने दरीत उतरून चालक आणि क्लीनरला वर काढले. त्यानंतर दोघांनाही धारूर येथील ग्रामीण रुग्णालयात दाखल करण्यात आले होत .
अपघात एवढा भीषण होता की ट्रकचा पूर्णपणे चक्काचूर झाला आहे. दरीत कोसळताना ट्रकमधील विटा सर्वत्र विखुरल्या गेल्या असून मोठे नुकसान झाले आहे. अपघातानंतर काही काळ वाहतूकही विस्कळीत झाली होती. प्रशासनाकडे या ठिकाणी संरक्षणात्मक उपाययोजना आणि मजबूत कठडे उभारण्याची मागणी केली आहे. या ठिकाणी मालवाहू ट्रक दरीत कोसळण्याचे प्रकार सतत घडत आहे
Related Posts :
