डीजेच्या आवाजाने तरुणाचा मृत्यू झाल्याने यापुढे डीजे न लावण्याचा केजच्या युवकांचा निर्धार

यापुढे डीजे न लावण्याचा केजच्या युवकांचा निर्धार

केज – केज शहरातील समर्थ नगर भागातील आकाश संतोष लांडगे या २३ वर्षीय तरुणाचे बीड तालुक्यात एका कार्यक्रमात डीजेच्या आवाजाने हृदयविकाराच्या झटक्याने काही दिवसांपूर्वी निधन झाले होते. श्रद्धांजली कार्यक्रमात शहरातील युवकांनी यापुढे डीजे न लावण्याचा निर्धार केला आहे.
सर्वोच्च न्यायालयाने डीजे, डॉल्बीवर बंदी घातली असताना तरुणाईला कर्णकर्कश आवाजाच्या डीजेचे आकर्षण आहे. मात्र एका कार्यक्रमात डिजेमुळे आकाश लांडगे या तरुणाचा बळी गेल्याने केज शहरात हळहळ व्यक्त केली जात आहे. आकाश लांडगे यांच्या श्रद्धांजली कार्यक्रमात सहभागी झालेल्या युवकांनी भावूक होऊन यापुढे केज शहरात ‘डॉल्बी’ डीजे वाजवणार नाही, असा सामूहिक संकल्प केला आहे. डॉल्बीच्या ध्वनी प्रदूषणाचे आणि आरोग्यावर होणाऱ्या गंभीर परिणामांचे गांभीर्य लक्षात घेऊन युवकांनी हा धाडसी व स्तुत्य निर्णय घेतला आहे. यावेळी राष्ट्रवादी काँग्रेसचे नेते हारुण इनामदार, नगराध्यक्षा सिता बनसोड, हनुमंत भोसले, भाई मोहन गुंड, अशोक सोनवणे, विजय आरकडे, लक्ष्मण जाधव, शकिल सय्यद, धनंजय घोळवे यांच्यासह नागरिक व तरुण उपस्थित होते.

Related Posts :

दारू पिण्यावरून एकाच्या डोक्यात थम्सअपची बाटली मारली

केज पोलिस ठाण्यात रोजा इफ्तार पार्टी संपन्न 

गरोदर पत्नीला मारहाण करत पतीचा ‘तिहेरी तलाक’; ५ लाखांच्या मागणीसाठी सासरच्यांकडून अमानुष छळ

दत्तात्रय बिक्कड यांना सहाय्यक पोलीस उपनिरीक्षक पदी पदोन्नती

कोरडेवाडीच्या माजी सरपंचांविरुद्धचे अपात्रतेचे अपील जिल्हाधिकाऱ्यांनी फेटाळले

केज जवळ दोन कारचा अपघात : पाच जण जखमी