मुलीला मॅसेज केल्याच्या कारणावरून युवकास लोखंडी रॉडने मारहाण

युवकास लोखंडी रॉडने मारहाण

चौघांवर ॲट्रॉसिटीचा गुन्हा

केज – मुलीला मॅसेज केल्याच्या कारणावरून एका १७ वर्षीय युवकास दुचाकीवर बसवून शेतात नेऊन जातीवाचक शिवीगाळ करून चापटाबुक्क्याने व लोखंडी रॉडने मारहाण करीत जखमी केल्याची घटना एकुरका (ता. केज) येथे घडली. याप्रकरणी चौघांविरुद्ध ॲट्रॉसिटीचा गुन्हा दाखल झाला आहे.
एकुरका येथील उमेश अशोक कोकाटे (वय १७) या युवकास ३ नोव्हेंबर रोजी सकाळी ११ वाजता सचिन अभिमान मोरे व गणेश तुळशीराम मोरे या दोघांनी तुझे वडील आमच्या शेतात आहेत, असे सांगून दुचाकीवर बसवून शेतात नेले. त्याठिकाणी या दोघांसह त्यांचे वडील अभिमान मोरे व तुळशीराम मोरे या चौघांनी तु मुलीला मेसेज का केला, असे म्हणत त्याला माफी मागायला लावून माफी मागताना त्यांचे मोबाईलमध्ये व्हिडीओ शुटींग केले. त्यानंतर जातीवाचक शिवीगाळ करून चप्पल, चापटाबुक्क्याने व लोखंडी रॉडने मारहाण करून जखमी केले. अशी तक्रार उमेश कोकाटे याने दिल्यावरून सचिन मोरे, गणेश मोरे, अभिमान मोरे, तुळशीराम मोरे या चौघांविरुद्ध ॲट्रॉसिटीचा गुन्हा दाखल झाला आहे. तपास सहाय्यक पोलीस अधीक्षक श्री वेंकटराम हे करीत आहेत.

Related Posts :

दारू पिण्यावरून एकाच्या डोक्यात थम्सअपची बाटली मारली

केज पोलिस ठाण्यात रोजा इफ्तार पार्टी संपन्न 

गरोदर पत्नीला मारहाण करत पतीचा ‘तिहेरी तलाक’; ५ लाखांच्या मागणीसाठी सासरच्यांकडून अमानुष छळ

दत्तात्रय बिक्कड यांना सहाय्यक पोलीस उपनिरीक्षक पदी पदोन्नती

कोरडेवाडीच्या माजी सरपंचांविरुद्धचे अपात्रतेचे अपील जिल्हाधिकाऱ्यांनी फेटाळले

केज जवळ दोन कारचा अपघात : पाच जण जखमी