परळीत शिक्षकावर अनोळखी तिघांचा चाकूने हल्ला

परळी : साईनगर रोडवर शिक्षकावर अनोळखी तिघांनी विनाकारण चाकूने हल्ला करून जखमी केले. ही घटना दि. १४ सप्टेंबर रोजी सायंकाळी ७ ते ७.३० या वेळेत घडली.

फिर्यादी शिक्षक सम्राट विजयकुमार गंडले (रा. मिलींदनगर, ह.मु. साईनगर, परळी) यांनी दिलेल्या तक्रारीनुसार, आरोपींनी संगनमत करून त्यांच्यावर चाकूने वार केला. यात त्यांच्या डाव्या हातावर आणि पोटावर जखमा झाल्या.

जखमी अवस्थेत त्यांनी उपचारासाठी परळी वैजनाथ येथील सरकारी दवाखान्यात दाखल होऊन उपचार घेतले. उपचारानंतर त्यांनी दुसऱ्या दिवशी पोलिस ठाण्यात फिर्याद दिल्याने गुन्हा उशिरा नोंदविण्यात आला.

या प्रकरणी संभाजीनगर पोलीस ठाण्यात अज्ञात आरोपींविरुद्ध गुन्हा दाखल करण्यात आला असून पुढील तपास पोउपनि ठाकुर करीत आहेत.

Related Posts :

चिंचोलीमाळी प्राथमिक आरोग्य केंद्राची नवी इमारत धूळखात पडून 

बसमध्ये चढताना महिलेचे दोन मणीमंगळसूत्र लंपास ; संशयित महिला ताब्यात 

कर्जमाफी लढा हीच पुढील आंदोलनाची दिशा-डॉ.अजित नवले

न्यु व्हिजन पब्लिक स्कूलच्या ९६ विद्यार्थ्यांचे सीबीएसई दहावी परीक्षेत यश

योगेश्वरी सैनिक स्कूलमध्ये शुक्रवारी उद्बोधन कार्यशाळा

माहिती अधिकाराचे उल्लंघन; अंबाजोगाईत ७१ वर्षीय ज्येष्ठ नागरिकाचा ‘अन्न-पाणी त्याग’ आत्मक्लेश आंदोलनाचा इशारा