वीज पडून दोन जनावरांचा मृत्यु

धारूर तालुक्यात काही ठिकाणी वादळ वारासह पाऊस कोसळला.आसोला येथे शहाजी सखाराम चोले या शेतकऱ्याची एक म्हैस व एक गाय अशी दोन जनावरे सोमवार (दि.२१) रोजी मध्यरात्री वीज पडल्यामुळे दगावली. या ठिकाणचा पंचनामा प्रशासनामार्फत करण्यात आला असून या शेतकऱ्याचे मोठे नुकसान झाले आहे. पंचनामा तलाठी एस.बी.बनकर यांनी केला असून या दोन्हीही जनावरांचे शविच्छेदन धारूर येथील पशुवैद्यकीय अधिकाऱ्यांमार्फत करण्यात आले आहे.प्रशासनाने या शेतकऱ्यास मदत देण्याची मागणी होत आहे.