लग्नाचे आमिष दाखवत तरुणीवर वारंवार अत्याचार

बीडच्या माजलगाव शहर‎ पोलिस ठाण्यात गुन्हा दाखल

माजलगाव – लग्नाचे आमिष दाखवून 17 वर्षीय मुलीवर बलात्कार‎ करण्यात आल्याची घटना माजलगाव शहरात ‎घडली. पीडिता गर्भवती राहिल्यानंतर हा प्रकार समोर‎ आला. या प्रकरणी तरुणाविरोधात माजलगाव शहर‎ पोलिस ठाण्यात गुन्हा नोंद करण्यात आला आहे.‎

माजलगाव शहरातील एका भागातील 17 वर्षीय‎ मुलीला सुनील विक्रम अलझेंडे (30, रा.‎माजलगाव) या तरुणाने लग्नाचे आमिष दाखवून ‎प्रेमाच्या जाळ्यात ओढले. सप्टेंबर 2024 पासून त्याने ‎वारंवार तिच्यावर बलात्कार केला.‎यातून पीडिता गर्भवती राहिली. तिच्या पोटात दुखू‎ लागल्याने कुटुंबीयांनी रुग्णालयात दाखवले असता,‎ मुलगी साडेपाच महिन्यांची गर्भवती असल्याचे समोर ‎आले. त्यानंतर हा प्रकार समोर आला.

या प्रकरणी ‎मुलीच्या तक्रारीवरुन सुनील अलझेंडे विरोधात ‎माजलगाव शहर पोलिस ठाण्यात गुन्हा दाखल‎ करण्यात आला आहे. पुढील तपास माजलगाव‎ पोलिस करीत आहे.‎आरोपीने लग्नाचे आमिष दाखवून पीडितेवर अनेकदा जबरदस्ती केली, असा पोलिसांचा प्राथमिक अंदाज आहे.

बीडमध्ये 5 लाखांसाठी विवाहितेचा छळ

चारचाकी वाहन घेण्यासाठी माहेरहून पाच‎ लाख रुपये घेऊन ये, असे म्हणत विवाहितेचा छळ ‎करण्यात आल्याचा प्रकार पाटोदा तालुक्यातील ‎बेलेवाडी येथे घडला. या प्रकरणी सासरच्या चार‎ जणांविरोधात गुन्हा नोंद करण्यात आला आहे.‎ काजल दीपक मळेकर (23) यांनी याबाबत तक्रार‎ दिली. त्यांच्या तक्रारीनुसार, 5 लाखांसाठी त्यांचा‎ शारीरिक व मानसिक छळ केला गेला.

या प्रकरणी‎ दीपक सुदाम मळेकर, सुदाम बाबू मळेकर (दोघे रा.‎बेलवाडी, ता. पाटोदा), वैशाली बाबू तांबे (रा.‎नफरवाडी, ता. पाटोदा), सोनाली दादा बेद्रे (रा. सुपा,‎जि. पुणे ) यांच्या विरोधात गुन्हा नोंद करण्यात आला.‎

About Author