दोन शेतकऱ्यांनी गळफास घेऊन संपविले जीवन

दोन शेतकऱ्यांनी गळफास घेऊन संपविले जीवन

केज – केज तालुक्यातील सांगवी (सा.) येथे ७० वर्षीय शेतकऱ्याने गोठ्यात तर कोरेगाव येथे ४० वर्षीय शेतकऱ्याने शेतातील बाभळीच्या झाडाला गळफास घेऊन जीवनयात्रा संपविल्याच्या घटना बुधवारी (दि.१३) सायंकाळी उघडकीस आल्या. त्यांनी आत्महत्या का केली ? याचे कारण स्पष्ट झाले नव्हते.

सांगवी (सा.) येथील पांडुरंग विठ्ठल केदार (वय ७०) या शेतकऱ्याने टोकाचे पाऊल उचलत बुधवारी दुपारी शेतातील गोठ्यात आडूला धोतराने गळफास घेऊन आत्महत्या केल्याचे उघडकीस आले. तर दुसऱ्या घटनेत कोरेगाव येथे बाळू कारभारी साबळे (वय ४०) या शेतकऱ्याने टोकाची भूमिका घेऊन शेतातील बाभळीच्या झाडाला गळफास घेऊन आत्महत्या केली.

या दोन्ही शेतकऱ्यांनी आत्महत्या का केली ? याचे कारण स्पष्ट झाले नव्हते.या घटनांची माहिती मिळताच पोलीस निरीक्षक स्वप्नील उनवणे यांच्या आदेशावरून फौजदार जावेद कराडकर, सहाय्यक फौजदार प्रल्हाद चव्हाण, जमादार सानप यांनी घटनास्थळी भेट देऊन या दोन्ही शेतकऱ्यांचे मृतदेह उत्तरीय तपासणीसाठी उपजिल्हा रुग्णालयात पाठवून दिले.

Related Posts :

तरुणाच्या त्रासाला कंटाळून १६ वर्षाच्या अल्पवयीन मुलीने गळफास घेतला

तार चोरताना टॉवर कोसळला; पुण्याच्या टोळीतील दोघांचा नांदूरघाट शिवारात मृत्यू

दारू पिण्यावरून एकाच्या डोक्यात थम्सअपची बाटली मारली

केज पोलिस ठाण्यात रोजा इफ्तार पार्टी संपन्न 

गरोदर पत्नीला मारहाण करत पतीचा ‘तिहेरी तलाक’; ५ लाखांच्या मागणीसाठी सासरच्यांकडून अमानुष छळ

दत्तात्रय बिक्कड यांना सहाय्यक पोलीस उपनिरीक्षक पदी पदोन्नती