वडमाऊली मंदिराजवळ तरुणाला बेदम मारहाण; डोके फोडून जिवे मारण्याची धमकी

वडमाऊली मंदिराजवळ तरुणाला बेदम मारहाण; डोके फोडून जिवे मारण्याची धमकी

केज: केज तालुक्यातील वडमाऊली दहिफळ येथे देवीच्या मंदिरासमोर एका तरुणाला दगडाने मारहाण करून गंभीर जखमी केल्याची घटना घडली आहे. या मारहाणीत तरुणाचे डोके फुटले असून चार जणांविरुद्ध केज पोलीस ठाण्यात गुन्हा नोंदवण्यात आला आहे.

कानडीमाळी येथील रहिवासी कालिदास या तरुणाने या प्रकरणी फिर्याद दिली आहे. १४ एप्रिल २०२६ रोजी सायंकाळी ५:३० वाजण्याच्या सुमारास कालिदास हे वडमाऊली मंदिराजवळ उभे असताना आरोपी श्रीराम सीताराम कदम, रायचंद श्रीराम कदम, चंद्रसेन श्रीराम कदम आणि रमेश श्रीराम कदम (सर्व रा. पिराचीवाडी) यांनी संगनमत करून त्यांना गाठले. आरोपींनी फिर्यादीला शिवीगाळ करण्यास सुरुवात केली.

यावेळी आरोपी श्रीराम कदम याने हातातील दगडाने कालिदासच्या डोक्यात मारून त्याला रक्तबंबाळ केले. इतर आरोपींनी त्यांना लाथाबुक्क्यांनी मारहाण केली आणि पुन्हा दिसल्यास जिवे मारण्याची धमकी दिली. केज पोलिसांनी चारही आरोपींविरुद्ध गुन्हा दाखल केला असून पोलीस हवालदार आघाव या प्रकरणाचा पुढील तपास करत आहेत.

Related Posts :

अंबाजोगाईत अत्याधुनिक ‘स्वयंचलित कॉइन शौचालय’ कार्यान्वित; स्वच्छता मोहिमेला मिळणार आधुनिकतेची जोड

धारूरमध्ये भावाच्या भांडणात ५० हजारांची वैरण खाक

कानडीमाळी परिसरातून ट्रॅक्टर-ट्रॉली लंपास

स्वाराती रुग्णालयात सुरक्षा समितीची विशेष आढावा बैठक संपन्न

चिंचोलीमाळी प्राथमिक आरोग्य केंद्राची नवी इमारत धूळखात पडून 

बसमध्ये चढताना महिलेचे दोन मणीमंगळसूत्र लंपास ; संशयित महिला ताब्यात