अंबाजोगाईच्या डॉ. अतुल शिंदे यांना ‘डायबेटिज इंडिया’चा राष्ट्रीय पुरस्कार
Updated: फेब्रुवारी 10, 2026
मधुमेहतज्ञ डॉ.अतुल शिंदे यांना डायबेटिज इंडियाचा राष्ट्रीय पुरस्कार जाहिर
‘विवेक सिंधु' WhatsApp Channel जॉईन करा
Join Channel१३ फेब्रुवारीला हैद्राबादमध्ये होणार सन्मान
अंबाजोगाई : सामान्य रुग्णांच्या जीवनात आरोग्याचा प्रकाश पसरवणाऱ्या अंबाजोगाई येथील प्रसिद्ध मधुमेहतज्ञ डॉ. अतुल शिंदे यांच्या १३ वर्षांच्या अखंड समाजसेवेची दखल आता राष्ट्रीय पातळीवर घेतली गेली आहे. देशभरात मधुमेह नियंत्रणासाठी आणि जनजागृतीसाठी कार्यरत असलेल्या ‘डायबेटिज इंडिया’ या नामांकित संस्थेच्या वतीने त्यांना ‘डायबेटिज अवेअरनेस इनिशिएटिव्ह अवॉर्ड २०२६’ जाहीर झाला आहे. येत्या शुक्रवार, १३ फेब्रुवारी २०२६ रोजी हैद्राबाद येथे आयोजित एका दिमाखदार सोहळ्यात मान्यवरांच्या हस्ते हा पुरस्कार प्रदान केला जाणार आहे.
अतुल शिंदे यांनी गेल्या १३ वर्षांपासून योगेश्वरी डायबेटिज केअर सेंटरच्या माध्यमातून अंबाजोगाई शहर आणि ग्रामीण भागातील हजारो रुग्णांची मोफत तपासणी आणि उपचार केले आहेत. केवळ क्लिनिकपुरते मर्यादित न राहता त्यांनी तळागाळातील नागरिकांमध्ये मधुमेहाविषयी जनजागृती निर्माण करण्यासाठी विशेष परिश्रम घेतले आहेत. त्यांच्या या निस्वार्थी कार्यामुळे हजारो रुग्णांना वेळीच या आजाराचे निदान होऊन योग्य उपचार मिळाले आहेत.
पुरस्काराचे महत्त्व सांगताना हे स्पष्ट होते की, या राष्ट्रीय बहुमानासाठी संपूर्ण महाराष्ट्रातून केवळ दोनच व्यक्तींची निवड करण्यात आली आहे. यात एक पुरस्कार मुंबई विभागासाठी असून, उर्वरित संपूर्ण महाराष्ट्रातून एकमेव अतुल शिंदे यांची निवड झाली आहे. मराठवाड्याच्या मातीतील एका डॉक्टरने आपल्या कौशल्याच्या आणि सेवेच्या जोरावर राष्ट्रीय स्तरावर उमटवलेली ही मोहोर जिल्ह्यासाठी अभिमानास्पद मानली जात आहे.
शिंदे यांच्या कार्याचा आलेख अत्यंत प्रभावी आहे. दरवर्षी जागतिक मधुमेह दिनानिमित्त ते अंबाजोगाई परिसरात मोफत रक्ततपासणी आणि निदान शिबिरांचे आयोजन करतात. अशा शिबिरांमध्ये एकाच वेळी १५०० ते २००० रुग्णांची तपासणी केली जाते. गेल्या १३ वर्षांत तब्बल २२ हजार रुग्णांनी या शिबिरांचा लाभ घेतला आहे. ओपीडीच्या माध्यमातूनही त्यांनी रुग्णांना दिलेला दिलासा आणि केलेले समुपदेशन यामुळे त्यांचे नाव आज केवळ जिल्ह्यातच नव्हे, तर संपूर्ण मराठवाड्यात आदराने घेतले जाते.
मधुमेह हा केवळ शारीरिक आजार नसून तो योग्य माहितीअभावी बळावणारा धोका आहे, हे ओळखून शिंदे यांनी सतत जनजागृतीवर भर दिला. त्यांच्या या व्यापक कार्याचा आणि विक्रमी रुग्णसेवेचा विचार करूनच ‘डायबेटिज इंडिया’ने त्यांची या पुरस्कारासाठी निवड केली आहे. पुरस्कार जाहीर झाल्याचे समजताच अंबाजोगाई शहर आणि पंचक्रोशीतील नागरिकांनी तसेच वैद्यकीय क्षेत्रातील मान्यवरांनी त्यांचे उत्स्फूर्त अभिनंदन केले असून, त्यांच्या पुढील कार्यासाठी शुभेच्छा दिल्या आहेत.मधुमेह तज्ञ डॉ.अतुल शिंदे यांनी योगेश्वरी डायबेटिज केअर सेंटरच्या माध्यमातून गेली 13 वर्ष अखंडितपणे कार्य करत आहेत. दरवर्षी मधुमेह दिनाच्या निमित्ताने अंबाजोगाई शहर व परिसरातील जे गोरगरीब व सर्वसामान्य रुग्ण आहेत अशांसाठी मोफत रक्ततपासणी, निदान व मोफत उपचार शिबीराचे आयोजन करतात. या शिबीरात जवळपास 1500 ते 2000 रुग्णांची तपासणी केली जाते. आजवर 22 हजाराच्या आसपास रुग्णांची तपासणी 13 वर्षात शिबीराच्या माध्यमातून केली आहे. तर दररोजच्या ओपीडीच्या माध्यमातून असंख्य रुग्णांची तपासणी केली जाते . आजपर्यंत डॉ.शिंदे यांचे रेकॉर्ड जिल्ह्यातील किंवा मराठवाडयातील एकाही मधुमेह तज्ञांच्या नावावर नाही. ही किमय्या डॉ.अतुल शिंदे यांनी साधली आहे. त्यांच्या व्यापक कार्याचा विचार आणि मधुमेह आजारासंबंधी योग्य असे समुपदेशन आणि जनजागृती करण्याचे काम त्यांच्या हातून झाले आहे. त्यांच्या कार्याचा विचार करुन देशभरात मधुमेह आजार नियंत्रणात आला पाहिजे आणि त्यासाठी जनजागृती करणारी संस्था म्हणजे डायबेटिज इंडिया. या संस्थेने डॉ.अतुल शिंदे यांच्या कार्याचा गौरव आणि सन्मान म्हणून त्यांना सन 2026 सालचा डायबेटिज अवेरनेस इनिशेटिव्ह अॅवॉर्ड जाहिर केला आहे. या पुरस्कारासाठी राज्यातून केवळ दोनच व्यक्तींची निवड केली जाते. त्यामध्ये एक पुरस्कार हा फक्त मुंबई प्रांतासाठी आहे तर दुसरा पुरस्कार व उर्वरित महाराष्ट्रातून एकासाठी आहे. उर्वरित महाराष्ट्रातून डॉ.अतुल शिंदे यांची एकमेव निवड करण्यात आली आहे. डॉ.अतुल शिंदे यांना पुरस्कार जाहिर झाल्यानंतर अंबाजोगाई तालुक्यातील व पंचक्रोशीतून त्यांचे अभिनंदन व कौतुक केले जात आहे. या पुरस्काराचे वितरण येत्या शुक्रवार दि. 13 फेब्रुवारी रोजी हैद्राबाद येथे मान्यवरांच्या उपस्थितीत करण्यात येणार आहे.
Related Posts :
