अंबाजोगाईत रोटरी क्लबच्या वतीने ‘क्लबफूट’ बाधितांना साहित्याचे वाटप
Updated: फेब्रुवारी 12, 2026
युवा नेते अक्षय मुंदडा यांच्या उपस्थितीत गरजू बालकांना मिळाला मायेचा आधार
‘विवेक सिंधु' WhatsApp Channel जॉईन करा
Join Channelयुवा नेते अक्षय मुंदडा यांच्या उपस्थितीत गरजू बालकांना मिळाला मायेचा आधार
अंबाजोगाई: येथील स्वामी रामानंद तीर्थ वैद्यकीय महाविद्यालय व रुग्णालयात रोटरी क्लब ऑफ अंबाजोगाई सिटीच्या वतीने जन्मत: वाकडे पाय (क्लबफूट) असलेल्या बालकांसाठी विशेष उपचार साहित्याचे वाटप करण्यात आले. पन्नगेश्वर साखर कारखान्याचे अध्यक्ष अक्षय मुंदडा यांच्या प्रमुख उपस्थितीत हा स्तुत्य उपक्रम पार पडला.
अंबाजोगाई शहरात सामाजिक बांधिलकी जपत रोटरी क्लबने हाती घेतलेला हा उपक्रम अत्यंत कौतुकास्पद असल्याचे अक्षय मुंदडा यांनी यावेळी नमूद केले. अनेकदा योग्य उपचारांच्या अभावी किंवा साहित्याच्या कमतरतेमुळे बालकांचे अपंगत्व कायम राहण्याची भीती असते. मात्र, अशा प्रकारच्या मदतीमुळे या बालकांचे पाय सरळ होऊन त्यांना भविष्यात सन्मानाने जगता येईल. समाजातील शेवटच्या घटकापर्यंत अशा आरोग्य सुविधा पोहोचवणे ही काळाची गरज असून, या माध्यमातून गरजू कुटुंबांना मोठा आधार मिळाला असल्याची भावना अक्षय मुंदडा यांनी व्यक्त केली.
या विशेष कार्यक्रमाप्रसंगी वैद्यकीय क्षेत्रातील तज्ज्ञ डॉ. कचरे, डॉ. दीपक लामतुरे यांच्यासह रोटरी क्लबच्या रो. रोहिणीताई पाठक आणि रो. मंजुषाताई जोशी यांची प्रमुख उपस्थिती होती. यावेळी मान्यवरांनी क्लबफूट उपचारांचे महत्त्व आणि वेळीच मिळालेल्या साहित्यामुळे होणारे सकारात्मक परिणाम याबाबत माहिती दिली. रोटरी क्लब ऑफ अंबाजोगाई सिटीच्या सर्व सन्माननीय पदाधिकाऱ्यांनी या उपक्रमासाठी विशेष परिश्रम घेतले.
स्वाराती रुग्णालयातील या उपक्रमामुळे अनेक पालकांच्या चेहऱ्यावर समाधानाचे भाव पाहायला मिळाले. केवळ औषधोपचारच नव्हे, तर अशा प्रकारच्या तांत्रिक साहित्याची उपलब्धता करून दिल्याने आरोग्य विभागावरील ताण कमी होण्यास मदत होणार आहे. या कार्यक्रमाला रोटरी क्लबचे सदस्य, रुग्णालयातील कर्मचारी आणि लाभार्थी कुटुंबांची मोठ्या संख्येने उपस्थिती होती.
Related Posts :
