आ. नमिता मुंदडा,जिल्हाधिकारी विवेक जॉन्सन यांची योगेश्वरी विज्ञान केंद्र व तारांगणास भेट

आ. नमिता मुंदडा,जिल्हाधिकारी विवेक जॉन्सन यांची योगेश्वरी विज्ञान केंद्र व तारांगणास भेट

अंबाजोगाई (प्रतिनिधी) – केज विधानसभा मतदारसंघाच्या आ. नमिता मुंदडा, जिल्हाधिकारी विवेक जॉन्सन यांच्यासह इतर प्रशासकीय अधिकाऱ्यांनी योगेश्वरी शिक्षण संस्था संचलित पू.बाबासाहेब परांजपे विज्ञान केंद्र व तारांगणास सदिच्छा भेट दिली.या भेटीदरम्यान त्यांनी विज्ञान केंद्रातील विविध प्रयोगात्मक मांडणी व तारांगणातील शैक्षणिक उपक्रमांची पाहणी करत विद्यार्थ्यांमध्ये वैज्ञानिक दृष्टिकोन विकसित करण्यासाठी या केंद्राचे महत्त्व अधोरेखित केले. जिल्हाधिकारी जॉन्सन यांनी विज्ञान व तंत्रज्ञानाच्या माध्यमातून विद्यार्थ्यांना नवनवीन संधी उपलब्ध करून देण्यासाठी अशा उपक्रमांना प्रशासनाकडून निश्चितच सहकार्य राहणार असल्याचे मत व्यक्त केले.मान्यवरांच्या भेटीमुळे योगेश्वरी शिक्षण संस्था संचलित पू. बाबासाहेब परांजपे विज्ञान केंद्राच्या कार्यास नवी प्रेरणा मिळाली असून भविष्यात अधिक व्यापक शैक्षणिक उपक्रम राबविण्याचा विश्वास अध्यक्ष चंद्रशेखर बर्दापूरकर यांनी या प्रसंगी व्यक्त केला.
मान्यवरांचे स्वागत योगेश्वरी शिक्षण संस्थेचे अध्यक्ष चंद्रशेखर बर्दापूरकर उपाध्यक्ष जी.बी.व्यास,योगेश्वरी सैनिक स्कूलचे प्राचार्य मेजर एस.पी. कुलकर्णी,योगेश्वरी पॉलिटेक्निकचे प्राचार्य रमण देशपांडे,हेमंत धानोरकर,रविंद्र मठपती आदींनी मान्यवरांचे स्वागत केले.यावेळी उपजिल्हाधिकारी दीपक वजाळे, तहसीलदार विलास तरंगे,नायब तहसीलदार स्मिता बाहेती व महसूल विभागातील इतर अधिकारी व नगरसेवक उपस्थित होते.

Related Posts :

परळीत अल्पवयीन मुलीवर पाशवी अत्याचार; दोन नराधमांविरुद्ध ‘पोक्सो’ अंतर्गत गुन्हा दाखल

राडी आरोग्य उपकेंद्राची मोठी झेप; राष्ट्रीय गुणवत्ता हमी मानांकनासाठी निवड

ममदापूरमध्ये ऊसाच्या फडात वारकऱ्याचा जळालेला मृतदेह आढळल्याने खळबळ; आजारपणातून आत्महत्येचा प्राथमिक संशय

ऊस नोंदीच्या वादातून कृषी साहाय्यकावर कोयत्याने हल्ला; अकोला येथील धक्कादायक घटना

बीडमध्ये गॅस सिलिंडरचा मोठा अवैध साठा जप्त; पोलीस आणि महसूलची मध्यरात्री धाडसी कारवाई

अंबाजोगाईत शेख रहीम यांच्या इफ्तार पार्टीतून सामाजिक सलोख्याचे दर्शन; सर्वपक्षीय नेत्यांची उपस्थिती