नायगाव घाटात कार-बस भीषण धडक; सरपंच पुत्राचा जागीच मृत्यू, दोघे गंभीर जखमी

पाटोदा : तालुक्यातील नायगाव घाटातील वळणावर मंगळवारी संध्याकाळी साडेसातच्या सुमारास आरएमपीएम बस आणि कारची समोरासमोर धडक होऊन भीषण अपघात झाला. या अपघातात थेरला (ता. पाटोदा) येथील सरपंचांचा मुलगा मोनू चंद्रकांत राख (वय २६) याचा जागीच मृत्यू झाला. तर विजय सानप (२९) आणि संघर्ष बांगर (२६) हे दोघे गंभीर जखमी झाले आहेत.

धडकेची भीषणता इतकी होती की कारचा चक्काचूर झाला, तर बस रस्त्याखाली जाऊन थांबली. अपघातानंतर परिसरातील नागरिकांनी तात्काळ घटनास्थळी धाव घेत मदतकार्य सुरू केले. गंभीर जखमी विजय सानप आणि संघर्ष बांगर या दोघांना तातडीने बीड शहरातील खासगी रुग्णालयात दाखल करण्यात आले असून त्यांच्यावर उपचार सुरू आहेत. डॉक्टरांच्या माहितीनुसार त्यांची प्रकृती चिंताजनक आहे.

या अपघातामुळे परिसरात हळहळ व्यक्त केली जात आहे.

Related Posts :

पारधी समाजाच्या युवकांना अमानुष मारहाण प्रकरणी अखेर गुन्हा दाखल 

पोलिस निरीक्षक स्वप्नील उनवणे यांच्या प्रयत्नातून नांदुरघाट दूर क्षेत्र पोलिस चौकी झाली अद्यावत

बेपत्ता तरूणाचा विहिरीत आढळला मृतदेह

डोंगरदेवी दगडवाडी शिवारात तरुणाची दगडाने ठेचून निर्घृण हत्या

बालझुंबड – २०२६ स्पर्धेतील विजेत्यांचे पारितोषिके देवून कौतुक

वैद्यकीय क्षेत्रासाठी नेहमीच सहकार्याची भूमिका – नगराध्यक्ष नंदकिशोर मुंदडा