वनप्लस पॅड लाइट टॅबलेट भारतात लाँच; 11 इंचाचा HD+ डिस्प्ले आणि 9,340mAh बॅटरीसह सादर
Updated: जुलै 23, 2025
‘विवेक सिंधु' WhatsApp Channel जॉईन करा
Join Channelवनप्लसनं आपला नवा टॅबलेट OnePlus Pad Lite बुधवारी भारतात लाँच केला. दमदार वैशिष्ट्यांनी सज्ज असलेला हा टॅबलेट 9,340mAh क्षमतेच्या बॅटरीसह येतो, जी 33W SuperVOOC फास्ट चार्जिंगला सपोर्ट करते.
वनप्लस पॅड लाइट वाय-फाय आणि 4G LTE अशा दोन प्रकारांत उपलब्ध असून यामध्ये MediaTek Helio G100 हा चिपसेट, 8GB पर्यंत रॅम आणि 128GB स्टोरेज देण्यात आले आहे. यात 11 इंचाचा HD+ (1920×1200) LCD डिस्प्ले, 90Hz रिफ्रेश रेट, 180Hz टच सॅम्पलिंग रेट आणि 500 निट्स ब्राइटनेस आहे. TÜV Rheinland सर्टिफिकेशन मिळालेला हा स्क्रीन डोळ्यांसाठी सुरक्षित असल्याचा दावा कंपनीने केला आहे.
किंमत आणि ऑफर
वनप्लस पॅड लाइटच्या 6GB + 128GB (वाय-फाय) व्हेरिएंटची भारतात किंमत 15,999 रुपये असून 8GB + 128GB (वाय-फाय + 4G LTE) व्हेरिएंटची किंमत 17,999 रुपये आहे. लाँच ऑफर अंतर्गत ग्राहकांना 2,000 रुपयांची तात्काळ सूट आणि 1,000 रुपयांची अतिरिक्त सूट मिळू शकते. हा टॅबलेट Aero Blue रंगात उपलब्ध आहे.
Also Read: रियलमी 15 5G मालिका उद्या भारतात लाँच होणार; किंमत, वैशिष्ट्यं, डिझाइन यावर एक नजर
सेल आणि उपलब्धता
वनप्लस पॅड लाइटची विक्री 1 ऑगस्टपासून दुपारी 12 वाजता सुरू होणार आहे. ग्राहक OnePlus India वेबसाइट, OnePlus Store App, Amazon, Flipkart, Croma, Reliance Digital, Vijay Sales, Bajaj Electronics आणि इतर अधिकृत स्टोअर्सवरून टॅबलेट खरेदी करू शकतील. निवडक बँकांमार्फत नो-कॉस्ट EMI पर्याय उपलब्ध आहेत.
कॅमेरा व इतर वैशिष्ट्ये
या टॅबलेटमध्ये 5MP फ्रंट आणि रिअर कॅमेरे, Hi-Res Audio Gold Standard प्रमाणित क्वाड स्पीकर, ब्लूटूथ 5.4,USB Type-C पोर्ट, आणि SBC, AAC, aptX, aptX HD व LDAC यांसारख्या ऑडिओ कोडेक्सचा समावेश आहे. टॅबलेट Android 15 आधारित OxygenOS 15.0.1 वर चालतो.
वजन आणि साइज
वनप्लस पॅड लाइटचे वजन 530 ग्रॅम असून परिमाण 166.46×254.91×7.39 मिमी इतके आहे. यामध्ये फेशियल रेकग्निशन सारख्या सुरक्षा सुविधा देखील देण्यात आल्या आहेत.
हा टॅबलेट दैनंदिन वापर, ऑनलाईन शिक्षण, मनोरंजन आणि वर्क फ्रॉम होमसाठी एक किफायतशीर व आकर्षक पर्याय ठरणार असल्याचं तज्ज्ञांनी म्हटलं आहे.
Related Posts :
