जेष्ठनेते नंदकिशोर मुंदडा यांच्या वाढदिवसानिमित्त सीएम रिलीफ फंडला एक लाखाची मदत

जेष्ठनेते नंदकिशोर मुंदडा यांच्या वाढदिवसानिमित्त सीएम रिलीफ फंडला एक लाखाची मदत

सामाजिक कार्यकर्ते पियुष शिंदे यांचा स्तुत्य पुढाकार

अंबाजोगाई : अतिवृष्टी आणि पूरग्रस्त बांधवांच्या मदतीसाठी ज्येष्ठ समाजसेवक नंदकिशोर मुंदडा यांनी यावर्षी आपल्या वाढदिवसाच्या निमित्ताने वेगळा संदेश दिला होता. पुष्पगुच्छ, हार, बॅनर किंवा जाहिरातींवर खर्च न करता या भागातील अतिवृष्टीग्रस्त शेतकऱ्यांना, पीडितांना मदत करण्याचे आवाहन त्यांनी नागरिकांना केले होते. या आवाहनाला प्रतिसाद देत अंबाजोगाई शहरातील सामाजिक कार्यकर्ते पियुष शिंदे यांनी मुंदडा यांच्या वाढदिवसाचे औचित्य साधून तब्बल एक लाख रुपयांचा चेक मुख्यमंत्री सहाय्यता निधी (CM Relief Fund) नावाने त्यांच्याकडे सुपूर्द केला.

या वेळी शिंदे यांनी सांगितले की, “आज गावोगावी पूरग्रस्त आणि अतिवृष्टीग्रस्त शेतकरी मोठ्या संकटात सापडले आहेत. अशा वेळी आपण अनावश्यक खर्च टाळून प्रत्यक्ष मदत केली तरच खरी सेवा होईल.” त्यांनी याला सामाजिक जबाबदारी मानून ही मदत केल्याचे स्पष्ट केले.

नंदकिशोर मुंदडा यांनी केलेल्या आवाहनामुळे त्यांचा यंदाचा वाढदिवस सामाजिक उपक्रमात रुपांतरित झाला आहे. सामाजिक क्षेत्रात काम करणाऱ्या शिंदे यांच्या या पुढाकाराचे सर्वत्र कौतुक होत आहे.

अतिवृष्टीग्रस्तांना मदतीचा हात देण्याच्या या उपक्रमामुळे पीडितांना अल्पसा का होईना दिलासा मिळेल अशी भावना व्यक्त होत आहे.

Related Posts :

अंबाजोगाईचे सुपुत्र सर्वोच्च न्यायालयाचे माजी न्यायमूर्ती सुधाकर कुर्डूकर यांचे निधन

यश कन्स्ट्रक्शनच्या सहगुत्तेदाराकडे एक कोटींची खंडणी मागणाऱ्या महिलेवर गुन्हा दाखल

शेतकरी आत्महत्येची मालिका थांबवण्यासाठी व्यवस्थेच्या संवेदनशीलतेची गरज

ओव्हरलोडमुळे धनेगाव पंपहाऊसचा विद्युत पुरवठा वारंवार खंडित, अंबाजोगाईचा पाणीपुरवठा विस्कळीत

पेशवा प्रतिष्ठानतर्फे महिला दिनानिमित्त महिला बँक कर्मचाऱ्यांचा सन्मान

अंबाजोगाईत पोलिसांच्या नाकावर टिच्चून फरार आरोपीचे रिल्स!