भारतीय विद्यार्थ्यांसाठी Google कडून मोफत Gemini AI Pro सबस्क्रिप्शनची संधी

15 सप्टेंबर 2025 पर्यंत ऑफर उपलब्ध | विद्यार्थ्यांच्या शैक्षणिक आणि करिअरच्या तयारीसाठी Google कडून मोठा उपक्रम

हैदराबाद : Google ने भारतीय शाळा आणि महाविद्यालयीन विद्यार्थ्यांसाठी खास ऑफर जाहीर केली आहे. या ऑफरअंतर्गत पात्र विद्यार्थ्यांना Gemini AI Pro योजनेचं एक वर्षाचं मोफत सबस्क्रिप्शन मिळणार आहे. या योजनेद्वारे विद्यार्थी प्रगत कृत्रिम बुद्धिमत्ता (AI) साधनांचा वापर करून त्यांच्या शैक्षणिक गरजांमध्ये, नोकरीच्या तयारीत आणि सर्जनशील प्रकल्पांमध्ये मदत घेऊ शकतात.

ही ऑफर 18 वर्षांवरील विद्यार्थ्यांसाठी असून 15 सप्टेंबर 2025 पर्यंत वैध आहे.

Gemini AI Pro मध्ये काय मिळणार?

या योजनेमध्ये Gemini 2.5 Pro, Google चे अत्यंत प्रगत AI मॉडेल समाविष्ट आहे. यासोबतच विद्यार्थ्यांना Gemini Live, Veo 3 व्हिडिओ जनरेशन मॉडेल, तसेच Flow सारख्या सुविधा मिळणार आहेत. या साधनांचा वापर करून विद्यार्थी त्यांच्या संशोधन, लेखन, डेटा विश्लेषण, नोकरी मुलाखतीसाठी तयारी अशा विविध क्षेत्रात वापर करू शकतात.

यासोबतच विद्यार्थ्यांना 2TB Google Cloud Storage मिळेल, जे Drive, Photos आणि Gmail मध्ये वापरता येईल.

ही ऑफर मिळवण्यासाठी काय करावे?

1️⃣ gemini.google/students/?gl=IN या लिंकवर भेट द्या.
2️⃣ ‘Get offer’ वर क्लिक करा.
3️⃣ ‘Verify eligibility’ वर क्लिक करा.
4️⃣ तुमच्या शाळा किंवा कॉलेजचे नाव व तपशील भरा. संस्थात्मक ईमेल किंवा वैयक्तिक Gmail वापरून लॉगिन करा.
5️⃣ शाळा किंवा कॉलेज पोर्टलद्वारे लॉगिन करून ID कार्ड, वर्ग वेळापत्रक किंवा फी पावती यापैकी कोणतेही कागदपत्र अपलोड करा.

Google कडून साधारण 30 मिनिटांत पडताळणी पूर्ण केली जाते. कागदपत्रे लगेच अपलोड न केल्यास Google नंतरच्या पडताळणीसाठी लिंक ईमेलद्वारे पाठवते.

विद्यार्थ्यांसाठी सुवर्णसंधी

या योजनेद्वारे भारतीय विद्यार्थ्यांना आधुनिक AI च्या माध्यमातून शिक्षणात आणि करिअरमध्ये मोठी मदत होणार आहे. लेखन कौशल्य, प्रेझेंटेशन तयार करणे, अभ्यासाची तयारी, संशोधन करणे, सर्जनशील कल्पना विकसित करणे अशा सर्व गोष्टी आता आणखी सोप्या होणार आहेत.