धारूर : तालुक्यातील आरणवाडी शिवारात चुलत भावंडांमध्ये वाद होऊन दगडाने मारहाण, शिवीगाळ आणि जीव घेण्याची धमकी दिल्याची घटना रविवारी (दि. ३ ऑगस्ट) सायंकाळी घडली. या प्रकरणी धारूर पोलिस ठाण्यात तिघांविरुद्ध गुन्हा दाखल करण्यात आला आहे.
पोलिसांकडून मिळालेल्या माहितीनुसार, दत्ता आबासाहेब माने (वय ३७, व्यवसाय शेती, रा. आरणवाडी, ता. धारूर) हे मोटारसायकलवरून धारूरकडे येत असताना, आरणवाडी शिवारातील आरोपींच्या घराजवळ पोहोचले. यावेळी आरोपी अशोक रावण माने यांनी दगडाने मारून त्यांना जखमी केले, तर आकाश अशोक माने यांनी त्यांच्या छातीत दगडाने मारले. त्यानंतर अशोक, आकाश आणि वेणुबाई अशोक माने (सर्व रा. आरणवाडी) यांनी मिळून शिवीगाळ, लाथाबुक्यांनी मारहाण करत जिवे मारण्याची धमकी दिली.
या घटनेबाबत उशिराने (दि. ११ ऑगस्ट) धारूर पोलिस ठाण्यात गुरनं. २९८/२०२५, कलम ११८(१), ११५(२), ३५२, ३५१(२)(३), ३(५) बी.एन.एस. अंतर्गत गुन्हा दाखल करण्यात आला आहे. पुढील तपास पो.हे.कॉ. राठोड यांच्या मार्गदर्शनाखाली सुरू आहे.
