भाडे थकल्याने ग्रा. पं. ने गाळ्यांना ठोकले कुलूप

Updated: नोव्हेंबर 5, 2025

By Vivek Sindhu

‘विवेक सिंधु' WhatsApp Channel जॉईन करा

केज – विडा (ता. केज) येथे ग्रामपंचायतीकडून गाळे भाड्याने घेऊन व्यवसाय करणाऱ्या व्यावसायिकांनी मागील दोन वर्षांपासून भाडे थकविले. त्यांना तीन वेळा नोटीस देऊन ही भाडे भरीत नसलेल्या गाळ्यांना कुलूप ठोकण्यात आले आहे. त्यामुळे व्यवसायिकांमध्ये खळबळ उडाली आहे.

विडा येथे ग्रामपंचायतीने दीडशेहून अधिक गाळे उभारलेले आहेत. हे गाळे भाड्याने घेऊन व्यावसायिक आपला व्यवसाय करतात. मात्र वेळेवर भाडे जमा न करणाऱ्या व्यावसायिकांना ग्रामपंचायतीने भाडे भरण्यासंदर्भात तीन वेळा नोटीसा दिल्या. मात्र मागील दोन वर्षांपासून भाडे थकविणाऱ्या सत्तर ते ऐंशी व्यावसायिकांच्या गाळ्यांना स्वतः सरपंच सुरज पटाईत व कर्मचाऱ्यांनी बुधवारी सकाळी कुलूप ठोकले आहे. येत्या दोन दिवसांत भाड्याचे पूर्ण पैसे न भरल्यास गाळ्यातील सामान बाहेर काढून गाळे ताब्यात घेतले जाणार आहेत.

कर्मचाऱ्यांचे पगार थकले

ग्रामपंचायतीच्या गाळ्याचे भाडे वसूल वसुली नसल्यामुळे कर्मचाऱ्यांचे पगार करण्यासाठी पुरेसा पैसे नाहीत. त्यामुळे कर्मचाऱ्यांचे पगार थकले आहेत. म्हणून ही कारवाई करण्यात आली आहे. यापुढे व्यापाऱ्यांनी गाळ्यांचे भाडे न भरल्यास अशीच कारवाई करण्यात येईल.

सुरज पटाईत