आष्टीत शिवजयंतीच्या पार्श्वभूमीवर गावठी कट्टे जप्त; दोन सराईत गुन्हेगार पोलिसांच्या जाळ्यात
Updated: फेब्रुवारी 21, 2026
‘विवेक सिंधु' WhatsApp Channel जॉईन करा
Join Channelआष्टी: सार्वजनिक शिवजयंती उत्सवाच्या पार्श्वभूमीवर कायदा व सुव्यवस्था राखण्यासाठी आष्टी पोलीस स्टेशनचे पथक गस्तीवर असताना ही मोठी कारवाई करण्यात आली. ब्रम्हगाव परिसरात पांढऱ्या रंगाच्या चारचाकी वाहनातून काही इसम पिस्टलसह फिरत असल्याची गोपनीय माहिती पोलीस निरीक्षक शरद भुतेकर यांना मिळाली होती. या माहितीच्या आधारे पोलिसांनी शोध मोहीम राबवून आष्टी-ब्रम्हगाव रोडवरील हॉटेल जय भवानी समोर संशयास्पद पांढऱ्या रंगाची ग्रँड व्हिटारा कार अडवली.+4
वाहनाची पाहणी केली असता त्यात राहुल कल्याण खोटे (रा. मुगगाव, ता. पाटोदा) आणि भरत ऊर्फ अमृत बाबासाहेब भोसले (रा. पारगाव घुमरा, ता. पाटोदा) हे दोघे आढळून आले. पोलिसांनी वाहनातील काळ्या रंगाच्या बॅगेची झडती घेतली असता ५० हजार रुपये किमतीची एक गावठी पिस्टल आणि मॅगझीनसह ५० हजार रुपये किमतीची दुसरी पिस्टल असे एकूण १ लाख रुपयांचे बेकायदेशीर अग्नीशस्त्र जप्त केले. या कारवाईदरम्यान कारचालक दत्ता महादेव पोकळे (रा. मुगगाव, ता. पाटोदा) हा पोलिसांना पाहून वाहन घेऊन घटनास्थळावरून पसार झाला होता. मात्र त्याने मुगगाव परिसरात वाहन सोडून पलायन केले असून पोलिसांनी ते वाहन जप्त केले आहे.+4
या प्रकरणी आष्टी पोलीस ठाण्यात शस्त्र अधिनियमांतर्गत गुन्हा दाखल करण्यात आला असून फरार आरोपीचा शोध सुरू आहे. ही कामगिरी पोलीस अधीक्षक बीड, अपर पोलीस अधीक्षक बीड आणि उपविभागीय पोलीस अधिकारी आष्टी यांच्या मार्गदर्शनाखाली पार पडली. आष्टी पोलीस ठाण्यात या गुन्ह्याची नोंद झाली असून पोलीस उपनिरीक्षक श्रीकृष्ण शिंदे या प्रकरणाचा पुढील तपास करत आहेत.
Related Posts :
