जालना रोडवर विद्यार्थ्याला दगडाने मारहाण; तीन जणांविरुद्ध गुन्हा

जालना रोडवर विद्यार्थ्याला दगडाने मारहाण; तीन जणांविरुद्ध गुन्हा

बीड : शहरातील शिवाजीनगर पोलिस ठाण्याच्या हद्दीत जालना रोडवरील सॅफरॉन हॉटेलसमोर विद्यार्थ्याला दगडाने मारहाण करून जखमी केल्याची घटना घडली. याप्रकरणी तीन जणांविरुद्ध शिवाजीनगर पोलिस ठाण्यात गुन्हा दाखल झाला आहे.

अदित्य कॉलेजला बी.टेक प्रथम वर्षात शिक्षण घेणाऱ्या वरद उर्फ लक्की गजानन साळुंके (वय 18, रा. कबाड गल्ली, बीड) याने दिलेल्या फिर्यादीनुसार, 24 ऑगस्ट रोजी रात्री 9 वाजता सॅफरॉन हॉटेलच्या बाहेर त्यांचा मित्र करण कदम यांच्यासह उभे असताना आरोपी प्रेम चांदणे याने दगडाने त्यांच्या डोक्यात मारून जखमी केले.

यानंतर करण कदम हे भांडण सोडवण्यासाठी पुढे आल्यावर प्रेम चांदणे याने त्यांच्यावरही दगड फेकून त्यांच्या डोळ्याजवळ दुखापत केली. त्यानंतर आरोपी प्रेम चांदणे, शुभम चांदणे आणि प्रेम गुरव (रा. पुरग्रस्त कॉलनी, खंडेश्वर उतार, बीड) या तिघांनी मिळून फिर्यादी व त्यांच्या मित्राला लाथाबुक्क्यांनी मारहाण केली. तसेच शिवीगाळ करून जिवे मारण्याच्या धमक्या दिल्या.

या प्रकरणी शिवाजीनगर पोलिस ठाण्यात गुन्हा नोंदविण्यात आला आहे. पुढील तपास पोह राऊत करीत आहेत.

Related Posts :

जुन्या वादातून घरात घुसून महिलेवर कत्ती आणि दगडाने जीवघेणा हल्ला; ५ जणांवर गुन्हा दाखल

ऑनलाइन फ्रॉडची संपूर्ण रक्कम तक्रारदाराला मिळवून दिली, बीड सायबर पोलिसांची मोठी कारवाई; मुख्य आरोपी गजाआड

बीडमध्ये तरुणाची हत्या; दारू दुकानावरील हिशोबाच्या वादातून मालकानेच संपवले, ॲट्रॉसिटीसह खुनाचा गुन्हा दाखल

पाथरी-माजलगाव महामार्गावर भीषण अपघात, दोन सख्ख्या भावांचा जागीच मृत्यू

बीडमध्ये भटक्या कुत्र्यांच्या हल्ल्यात चार वर्षीय बालक जखमी

बीडच्या विद्यार्थ्याची पुण्यात आत्महत्या; पुण्यातील ॲकॅडमीच्या संस्थापकासह तिघांवर गुन्हा दाखल