हरित बीड अभियानाच्या तयारीचा आ. नमिता मुंदडा यांच्याकडून आढावा

या उपक्रमात एका दिवसात तब्बल ३० लाख वृक्षांचे रोपण करण्यात येणार असून, हा उपक्रम महाराष्ट्र राज्याचे उपमुख्यमंत्री व बीड जिल्ह्याचे पालकमंत्री अजितदादा पवार यांच्या प्रमुख उपस्थितीत पार पडणार आहे. पर्यावरण संवर्धनाच्या दृष्टीने ऐतिहासिक ठरणाऱ्या या मोहिमेसाठी संपूर्ण जिल्हा प्रशासन, तालुका प्रशासन, शासकीय व खासगी संस्था, सेवाभावी संघटना, शाळा व महाविद्यालये यांची सक्रिय भागीदारी असून, सर्व यंत्रणा सज्ज झाल्या आहेत.

हरितक्रांतीचा संकल्प घेऊन सुरु झालेल्या या अभियानामुळे परिसराचे पर्यावरणीय संतुलन सुधारण्यास मदत होणार आहे. आ. मुंदडा यांनी या उपक्रमास शुभेच्छा देत नागरिकांनी मोठ्या प्रमाणात सहभाग नोंदवावा असे आवाहन केले.