वैद्यनाथ बँकेवर पुन्हा एकदा ना. पंकजा मुंडेंचे वर्चस्व; लोकनेते गोपीनाथराव मुंडे जनसेवा पॅनलचा सर्व जागांवर दणदणीत विजय
Updated: ऑगस्ट 12, 2025
‘विवेक सिंधु' WhatsApp Channel जॉईन करा
Join Channelपरळी वैजनाथ, दि. १२ : राज्याच्या पर्यावरण व पशुसंवर्धन मंत्री ना. पंकजा मुंडे यांचे वैद्यनाथ अर्बन बँकेवरील वर्चस्व यंदाही अबाधित राहिले आहे. ना. पंकजाताई मुंडे व विरोधी पक्षनेते आ. धनंजय मुंडे यांच्या नेतृत्वाखालील लोकनेते गोपीनाथराव मुंडे जनसेवा पॅनलने तेराही जागांवर विजय मिळवत पुन्हा सत्ता हस्तगत केली. या निवडणुकीत शरद पवार यांच्या राष्ट्रवादी काँग्रेस पॅनलला मोठा धक्का बसला.
वैद्यनाथ बँकेच्या संचालक मंडळाच्या १७ जागांसाठी निवडणूक झाली. यापैकी चार जागा पूर्वीच बिनविरोध निवडून आल्या होत्या. त्यात माजी खासदार डॉ. प्रीतम मुंडे, अनिल तांदळे, डॉ. विनोद जगतकर आणि माधुरी मेनकुदळे यांचा समावेश आहे.
शनिवारी परळीपासून मुंबईपर्यंतच्या ३६ मतदान केंद्रांवर मतदान झाले. ४३ हजार ९६२ मतदारांपैकी १६ हजार २८७ मतदारांनी मतदान केले. एकूण मतदानाची टक्केवारी ३७.५ होती.
आज बीड येथे झालेल्या मतमोजणीत दुपारपर्यंत सर्व १३ जागांचे निकाल जाहीर झाले आणि सर्वच्या सर्व जागांवर लोकनेते गोपीनाथराव मुंडे जनसेवा पॅनलने विजय मिळवला.
विजयी उमेदवार : विनोद सामत, प्रकाश जोशी, डॉ. राजाराम मुंडे, संदीप लाहोटी, प्रवीण देशपांडे, महेश्वर निर्मळे, विजय वाककेर, अमोल डुबे, कुलभूषण जैन, राजेंद्र लोमटे, सुशांत लोमटे, मनमोहन कलंत्री, रमेश कराड.
Related Posts :
