मुंबई : मराठा समाजाला ओबीसी प्रवर्गातून आरक्षण मिळावे, या मागणीसाठी मनोज जरांगे पाटील यांनी दिलेल्या आंदोलनाच्या हाकेला मराठवाड्यातील अनेक लोकप्रतिनिधी उघड पाठिंबा देत आहेत. बीड येथे झालेल्या इशारा बैठकीत त्यांनी समाजाला लोकप्रतिनिधींना घरी बसू देऊ नका, असे आवाहन केले होते. त्यानंतर आता आमदार, खासदारांसह विविध नेत्यांनी आंदोलनात प्रत्यक्ष सहभागी होण्याचे जाहीर केले आहे.