गप्पेवाडीत वृद्ध महिलेसह भाच्यावर हल्ला, नऊ जणांविरुद्ध गुन्हा दाखल

गप्पेवाडीत वृद्ध महिलेसह भाच्यावर हल्ला, नऊ जणांविरुद्ध गुन्हा दाखल

केज : तालुक्यातील गप्पेवाडी येथे कौटुंबिक वादातून एका वृद्ध महिलेसह तिच्या भाच्यावर गावातील काही लोकांनी हल्ला केला. शिवीगाळ, दगड व काठ्यांनी मारहाण तसेच जिवे मारण्याच्या धमक्या दिल्याप्रकरणी नऊ जणांविरुद्ध केज पोलीस ठाण्यात गुन्हा दाखल करण्यात आला आहे.

फिर्यादी सरस्वती सुभाष जाधवर (वय 65, रा. गप्पेवाडी, ता. केज) यांनी दिलेल्या तक्रारीनुसार, त्या 24 ऑगस्ट रोजी सकाळी आठच्या सुमारास भावाच्या घरी राहत असताना भावाची सुन मीन संतोष केदार, बाळासाहेब आसुबा केदार, बळीराम विठ्ठल केदार यांनी काही जणांना सोबत घेऊन घरासमोर येऊन त्यांना घर सोडून जाण्यास धमकावले. त्यानंतर सरस्वती जाधवर व त्यांचा भाचा दिलीप केदार यांना शिवीगाळ करून दगड व काठ्यांनी मारहाण केली.

आरडाओरडा झाल्यावर गावातील हनुमंत केदार, भीमंत केदार, आनंद शंकर केदार, बालाजी केदार यांनी धाव घेऊन भांडण सोडवले. जखमींना तत्काळ सरकारी दवाखाना, केज येथे उपचारासाठी दाखल करण्यात आले.

या प्रकरणी मीन संतोष केदार, बाळासाहेब आसुबा केदार, बळीराम विठ्ठल केदार, अनिल राम नेहरकर, बंडु राम नेहरकर, राम शंकर नेहरकर, पांडुरंग साहेबराव केदार, विलास आसुबा केदार व आसुबा बाबु केदार यांच्याविरुद्ध केज पोलीस ठाण्यात गुन्हा दाखल करण्यात आला असून पुढील तपास पोलीस हवालदार पुरुषोत्तम शेप करत आहेत.

Related Posts :

तार चोरताना टॉवर कोसळला; पुण्याच्या टोळीतील दोघांचा नांदूरघाट शिवारात मृत्यू

दारू पिण्यावरून एकाच्या डोक्यात थम्सअपची बाटली मारली

केज पोलिस ठाण्यात रोजा इफ्तार पार्टी संपन्न 

गरोदर पत्नीला मारहाण करत पतीचा ‘तिहेरी तलाक’; ५ लाखांच्या मागणीसाठी सासरच्यांकडून अमानुष छळ

दत्तात्रय बिक्कड यांना सहाय्यक पोलीस उपनिरीक्षक पदी पदोन्नती

कोरडेवाडीच्या माजी सरपंचांविरुद्धचे अपात्रतेचे अपील जिल्हाधिकाऱ्यांनी फेटाळले