तहसीलदारांनी आणलेले टिप्पर भरदिवसा तहसीलच्या आवारातून पळवून नेले !

टिप्पर चालका विरुद्ध गुन्हा दाखल

टिप्पर चालका विरुद्ध गुन्हा दाखल

गौतम बचुटे/केज :- अवैध्यरीत्या मुरुमाचे उत्खनन करून वाहतूक करीत असलेले टिपर स्वतः तहसीलदारांनी अडवून तहसील कार्यालयाच्या आवारात आणून चौकशी सुरू असताना चालकाने टिपर पळवून नेवून त्यातील मुरुम एका ठिकाणी टाकून पळून गेला. अवैध्य वाळू उपसा आणि गौणखनिज यांची तस्करी करणाऱ्या विरुद्ध कायद्याचा धाक निर्माण करणे आवश्यक आहे.

या बाबतची माहिती अशी की, दि. २४ फेब्रुवारी रोजी तहसीलदार राकेश गिड्डे यांनी कळंब चौकात अवैधरित्या मुरुमाचे उत्खनन करून त्याची वाहतूक करीत असलेले अशोक लेलँड कंपनीचे टिपर क्र. (एम एच-४४/यू-४४६७) हे अडवून चौकशी करण्यासाठी तहसीलच्या आवारात आणले. त्या नंतर तहसीलदार राकेश गिड्डे यांनी मंडळ अधिकारी लक्ष्मण ढाकणे व राम मगर यांना मुरुम उत्खननाचा व वाहतुकीच्या परवान्या संदर्भात चौकशी करून टिप्परची चावी घेण्यासाठी आदेश दिले.  मंडळ अधिकारी लक्ष्मण ढाकणे व राम मगर टिपर चालक अशोक कदम याने अचानक टिपर सुरू करून भरधाव वेगात तहसील कार्यालयातून घेऊन पळवून गेला. त्या नंतर मंडळ अधिकारी लक्ष्मण ढाकणे व राम मगर  यांनी त्याचा पाठलाग केला असता त्याने बीड रोड लगतच्या एसटी बस स्थानकाच्या नियोजित जागेत टिपर मधील सुमारे १.२५ ब्रास मुरुम टाकून पळून गेला. 

त्या नंतर तहसीलदार राकेश गिड्डे यांच्या आदेशाने महसूल मंडळ अधिकारी नितीन भालेराव यांच्या तक्रारी वरून टिपर चालक किशोर कदम याच्या विरुद्ध केज पोलिस ठाण्यात गु र नं ८६/२०२६ भा. न्या. सं. ३०३(२) ६२ नुसार गुन्हा दाखल करण्यात आला आहे. त्याचा तपास सहाय्यक पोलिस उपनिरीक्षक राजू वाघमारे हे करीत आहेत.

Related Posts :

जिल्ह्यात अवकाळी पावसाने पिकांचे प्रचंड नुकसान; पंचनामे करा

गोदावरी पात्रातील ‘जांभुळ बेटा’स अंबाजोगाईच्या आंतरभारतीची भेट

वैर व व्देषामुळे नात्यांमध्ये कटुता वाढली

हमीभाव कापूस सी.सी.आय खरेदीची मुदत एप्रील २०२६ अखेर करावी – राजकिशोर मोदी ऍड.विष्णुपंत सोळंके यांची मागणी

पत्नीने नांदायला येण्यास नकार दिल्याने पतीचा पोलीस चौकीच्या आवारातच आत्महत्येचा प्रयत्न

बीडचा बहूमान; संसदीय मैत्री गटात खा.बजरंग सोनवणेंची निवड