बीडमध्ये बॅनरवर उपमुख्यमंत्र्यांसह ‎झळकला वाल्मीक कराडचा फोटो

राष्ट्रवादीच्या पदाधिकाऱ्याचे अनधिकृत बॅनर प्रशासनाने हटवले
बीड‎ – उपमुख्यमंत्री अजित पवार, माजी मंत्री धनंजय ‎मुंडे, मंत्री पंकजा मुंडे, मंत्री छगन भुजबळ,‎महिला आयोगाच्या अध्यक्षा रुपाली‎ चाकणकर या दिग्गजांसोबतच चक्क संतोष देशमुख हत्या प्रकरणातील‎ मुख्य आरोपी वाल्मीक कराड याचा फोटो‎ असलेले बॅनर बीडमध्ये मंगळवारी झळकले.‎

राष्ट्रवादीचे जिल्हा सरचिटणीस बप्पासाहेब ‎घुगे यांच्या वाढदिवसानिमित्त त्यांच्या ‎समर्थकांनी केलेल्या बॅनरबाजीत हा प्रकार ‎घडला. हे सर्व बॅनर अनधिकृतपणे लावले गेले‎ होते. याची चर्चा सुरु होताच काही तासांत ‎प्रशासनाने हे बॅनर काढले. 7 दिवस हे बॅनर‎ होते हे विशेष. माजी मंत्री धनंजय मुंडे यांचा ‎निकटवर्तीय वाल्मीक कराड हा राष्ट्रवादीच्या‎ कोणत्याही पदावर नाही मात्र त्याचा दरारा ‎जिल्ह्याच्या पक्ष संघटनेत होता.‎

मुख्य आराेपीचा फोटो पहिल्या ओळीत झळकला.‎पोलिसांनी वेळीच जरब दाखवली असती, आरोपींची त्याच वेळी धिंड काढली असती तर‎आज इतर लोकांनी अशा प्रकारे फोटाे लावले नसते. 7 दिवस हे फोटो झळकले.‎जिल्हाधिकारी व एसपींकडे याची तक्रार गेल्यानंतर हे बॅनर काढले गेले. याला कारणीभूत हे‎पोलिस प्रशासन आहे.‎ – धनंजय देशमुख, संतोष देशमुखांचे भाऊ‎

या बॅनरबाजीबाबत‎ बप्पासाहेब घुगे यांना ‎संपर्क केला असता मी‎ बाहेरगावी आलेलो आहे. प्रतिक्रिया काय ‎द्यायची, आता बोलू‎ शकत नाही असे ‎म्हणून त्यांनी फोन‎ ठेऊन दिला. प्रतिक्रिया‎ देण्यास त्यांनी नकार ‎दिल्याने या‎बॅनर बाजीबाबत त्यांची ‎भूमिका समजू शकली‎ नाही.‎

दरम्यान, अटकेत असलेला ‎वाल्मीक कराड याला बीड‎ कारागृहातून इतरत्र हलवावे, फरार ‎कृष्णा आंधळे याला अटक करावी ‎या मागणीसाठी वैजिनाथ सुरवसे ‎यांनी बीड जिल्हाधिकारी‎ कार्यालयासमोर सोमवारपासून ‎उपोषण सुरु केले आहे.‎

बप्पासाहेब घुगे हे राष्ट्रवादीचे‎ बीड जिल्हा सरचिटणीस आहेत. शिवसेनेतून त्यांची ‎हकालपट्टी झाली होती. त्यानंतर त्यांनी राष्ट्रवादीत प्रवेश‎ केला होता. त्यांना जिल्हा सरचिटणीस हे पद दिले गेले होते.‎ते कंत्राटदार व हॉटेल व्यावसायिक म्हणून प्रसिद्ध आहेत.‎ त्यांचा 7 जून रोजी वाढदिवस होता या निमित्ताने त्यांच्या‎समर्थकांनी बीड शहरात ही बॅनरबाजी केली होती.‎मोहिनीराज ग्रुप असे नाव शुभेच्छुक म्हणून आहे.‎