अंबाजोगाई नगरपरिषद निवडणुकीत ‘शहर परिवर्तन जनविकास आघाडी’ला जैन समाजाचा भक्कम पाठिंबा
Updated: नोव्हेंबर 22, 2025
काकाजी मुंदडा यांच्या नेतृत्वावर विश्वास; विकासाच्या मुद्द्यावर समाज एकवटला
‘विवेक सिंधु' WhatsApp Channel जॉईन करा
Join Channelकाकाजी मुंदडा यांच्या नेतृत्वावर विश्वास; विकासाच्या मुद्द्यावर समाज एकवटला
अंबाजोगाई : नगरपरिषद सार्वत्रिक निवडणूक २०२५ च्या पार्श्वभूमीवर ‘अंबाजोगाई शहर परिवर्तन जनविकास आघाडी’चे उमेदवार आणि नगराध्यक्ष पदाचे दावेदार आदरणीय नंदकिशोरजी मुंदडा (काकाजी) यांच्या नेतृत्वाला जैन समाजाने आपला संपूर्ण पाठिंबा जाहीर केला आहे.
शहरातील श्री १००८ विमलनाथ दिगंबर जैन अतिशय क्षेत्र, अंबाजोगाई येथे काकाजी मुंदडा यांनी भगवान विमलनाथ स्वामी यांची महाआरती केली. यानंतर त्यांनी उपस्थित जैन श्रावक आणि श्राविकांशी सविस्तर संवाद साधला.
विकासावर सविस्तर संवाद
संवादादरम्यान, काकाजी मुंदडा यांनी अंबाजोगाई शहरात व मतदारसंघात मागील काळात झालेल्या अनेक विकासकामांची माहिती दिली. तसेच, आगामी काळात शहर विकासासाठी करण्यात येणाऱ्या भविष्यातील महत्त्वाकांक्षी कामांची योजना उपस्थितांना समजावून सांगितली. शहराचे परिवर्तन घडवून आणण्यासाठी ‘जनविकास आघाडी’च्या सर्व उमेदवारांना काम करण्याची संधी देण्याचे आवाहन त्यांनी यावेळी केले.
समाज बांधवांनी दिली ग्वाही
काकाजींच्या विकासाभिमुख भूमिकेचे आणि शहरासाठीच्या तळमळीचे कौतुक करत उपस्थित सर्व सन्माननीय समाज बांधवांनी एकमताने त्यांच्या पाठीशी खंबीरपणे उभे राहण्याची ग्वाही दिली. अंबेजोगाई नगरपरिषद निवडणुकीत नगराध्यक्ष पदाचे उमेदवार नंदकिशोर मुंदडा यांना सर्व स्तरांतून पाठिंबा मिळत असल्याचे या भेटीतून पुन्हा एकदा स्पष्ट झाले आहे.
अंबेजोगाई शहर परिवर्तन जनविकास आघाडीला मिळणारा हा सर्वव्यापी पाठिंबा निवडणुकीच्या दृष्टीने अत्यंत महत्त्वाचा मानला जात आहे.
Related Posts :
