ट्रॅक्टर पलटी होऊन २८ वर्षीय तरुणाचा मृत्यु

ट्रॅक्टर पलटी होऊन २८ वर्षीय तरुणाचा मृत्यु

माजलगाव – तालुक्यातील हिवरा (बु.) येथे ट्रॅक्टर पलटी होऊन झालेल्या अपघातात २८ वर्षीय शेतमजूर तरुणाचा मृत्यु झाल्याची घटना गुरुवारी (दि.१२) पहाटे घडली. या घटनेमुळे परिसरात हळहळ व्यक्त करण्यात येत आहे.
गणेश भारत गाडे (वय २८) रा.हिवरा बु. ता.माजलगाव हे शेतमजुरीचे काम करून कुटुंबाचा उदरनिर्वाह करत होते. गुरुवारी पहाटे सुमारे २ च्या सुमारास ते शेतातील कामासाठी ट्रॅक्टर घेऊन जात असताना शेतातील वळण रस्त्यावर ट्रॅक्टर वळविताना वाहनाचा तोल जाऊन ट्रॅक्टर पलटी झाले. या अपघातात ट्रॅक्टर त्यांच्या अंगावर पडल्याने त्यांचा जागीच मृत्यु झाल्याची प्राथमिक माहिती आहे. घटनेची माहिती मिळताच स्थानिक नागरिकांनी तात्काळ घटनास्थळी धाव घेऊन त्यांना उपचारासाठी रुग्णालयात हलविले; मात्र, डॉक्टरांनी तपासणीअंती मृत घोषित केले. या घटनेमुळे हिवरा (बु.) गावात शोककळा पसरली आहे. कुटुंबाचा आधार असलेल्या तरुणाच्या अचानक निधनामुळे गाडे कुटुंबावर दुःखाचा डोंगर कोसळला आहे. घटनेची नोंद ग्रामीण पोलीस ठाण्यात करण्यात आली असून पुढील तपास सुरू आहे.

Related Posts :

 राज्यातील ४ लाख  ऊसतोड कामगारांना होणार गृहोपयोगी वस्तू संचांचे वाटप ;शासन निर्णय निर्गमित

सिमेंटच्या गोणीतून गांज्याची तस्करी; दोघे ताब्यात

‘आठवण गावाकडची’ उपक्रमाने बाल निकेतन सेमी इंग्लिश स्कूलमध्ये दाटला मातीचा सुगंध!

बस प्रवासात वृद्ध महिलेचे दहा तोळे सोन्याचे दागिने लंपास

प्रख्यात हृदयरोग तज्ज्ञ डॉ. नवनाथ घुगे यांना लंडनची प्रतिष्ठित आंतरराष्ट्रीय फेलोशिप बहाल

केंद्र सरकारच्या धोरणांविरुद्ध १२ फेब्रुवारीला देशव्यापी संप; बीडमध्ये शेतकरी आणि कामगारांचा एल्गार