सरकारी वकिलाची न्यायालयाच्या आवारातच गळफास घेऊन आत्महत्या

चंदेल यांची नियुक्ती यावर्षी जानेवारी महिन्यात सहाय्यक सरकारी अभियोक्ता म्हणून झाली होती. केवळ सात-आठ महिन्यांतच त्यांनी जीवन संपवल्याने सहकारी वकील, न्यायालयीन कर्मचारी व नागरिकांमध्ये हळहळ व्यक्त होत आहे. आत्महत्येचे नेमके कारण अद्याप समोर आलेले नसून त्याबाबत चर्चा रंगत आहे.

घटनास्थळी अपर पोलीस अधीक्षक चेतना तिडके, वडवणी ठाण्याच्या सहायक निरीक्षक वर्षा व्हगाडे यांनी तातडीने धाव घेतली. पोलिसांनी पंचनामा करून मृतदेह शवविच्छेदनासाठी ग्रामीण रुग्णालयात हलविला आहे. पुढील तपास सुरू आहे.